அரசு பேருந்தில் ஒளிபரப்பான பேட்ட; விஷால் கண்டனம்

அரசு பேருந்தில் ‘பேட்ட’ படம் ஒளிபரப்பிய சம்பவதிற்கு நடிகர் விஷால் கண்டனம் தெரிவித்துள்ளார்.

சமீப காலமாக புதிய படங்கள் திரையரங்கை வந்தடையும் சேதி கேட்கும் முன்னே அவை இணையதளங்களில் வரும் செய்திதான் கேட்கிறது. 
இதனால் வசூல் பெருமளவு பாதிக்கிறது. பெருமளவில் அதிகரித்து வரும் இந்த செயலை எதிர்த்து எவ்வளவோ நடவடிக்கைகள் எடுத்தும் பயனில்லாமல் போனது.

பொங்கல் பண்டிகையையொட்டி கடந்த 10-ந்தேதி திரைக்கு வந்த ரஜினிகாந்தின் பேட்ட, அஜித்குமாரின் விஸ்வாசம் ஆகிய படங்களை இணையதளத்தில் வெளியிட கோர்ட்டில் தடை பெற்று இருந்தனர். அதையும் மீறி படம் திரைக்கு வந்த சில மணிநேரத்தில் முழு படமும் இணையதளத்தில் வெளியானது.

இந்த நிலையில் பேட்ட படத்தை திருட்டுத்தனமாக பதிவிறக்கம் செய்து ஒரு அரசு பஸ்லில் ஒளிபரப்பி உள்ளனர். அந்த வீடியோ காட்சியை பஸ்சில் பயணம் செய்த ரஜினி ரசிகர் ஒருவர் செல்போனில் படம் பிடித்து டுவிட்டரில் வெளியிட்டுள்ளார். இதை பார்த்த ரசிகர்கள் ஆவேசமாகி சமூக வலைத்தளத்தில் கண்டித்து வருகின்றனர்.

தயாரிப்பாளர் சங்க தலைவர் விஷாலும் இந்த வீடியோவை டுவிட்டரில் பகிர்ந்து கண்டனம் தெரிவித்து உள்ளார். “அரசு பஸ்களில் திருட்டுத்தனமாக படங்களை ஒளிபரப்புவது இந்த வீடியோ ஆதாரம் மூலம் தெரிய வந்துள்ளது. இதன் மீது அரசு நடவடிக்கை எடுக்கும் என்று நம்புகிறேன்” என்று அவர் கூறியுள்ளார்


Comments....

This site uses Akismet to reduce spam. Learn how your comment data is processed.