தமிழையடுத்து மலையாளத்தில் நுழையும் கிருஷ்ணா..

தமிழில் வளர்ந்துவரும் நடிகர் கிருஷ்ணா அடுத்ததாக மலையாளத்தில் அறிமுகமாகயுள்ளார்.

தமிழில் கழுகு, வன்மம், வானவராயன் வல்லவராயன் ஆகிய படங்களில் நடித்த நடிகர் கிருஷ்ணா கடைசியாக தனுஷ் உடன் சேர்ந்து “மாரி 2” என்ற படத்தில் முக்கிய கதாபாத்திரத்தில் நடித்திருந்தார்.

அவரது நடிப்பில் அடுத்ததாக `கழுகு 2′ படம் ரிலீசாக இருக்கிறது. இதில் கிருஷ்ணா ஜோடியாக பிந்து மாதவியும், முக்கிய கதாபாத்திரத்தில் காளி வெங்கட்டும் நடித்துள்ளனர்.

இந்த நிலையில், கிருஷ்ணா அடுத்ததாக மலையாள சினிமாவில் அறிமுகமாகவிருக்கிறார். சுனில் கரியட்டுகரா இயக்கும் இந்த படத்தின் படப்பிடிப்பு நேற்று துவங்கியதாக கிருஷ்ணா அவரது ட்விட்டர் பக்கத்தில் தெரிவித்துள்ளார். `பிக்காசோ’ என தலைப்பு வைக்கப்பட்டுள்ள இந்த படத்தை ஷேக் அஃப்சல் தயாரிக்கிறார். படம் குறித்த மற்ற தகவல்கள் விரைவில் வெளியாகவிருக்கிறது.


Comments....

This site uses Akismet to reduce spam. Learn how your comment data is processed.