சிம்புவை நேரில் சென்று வாழ்த்திய தனுஷ்..

சென்னையில் தனது பிறந்தநாளை கொண்டாடிய சிம்புவிற்கு தனுஷ், ஜெயம் ரவி, யாஷிகா ஆகியோர் நேரில் சென்று வாழ்த்து தெரிவித்தனர்.

இந்த வாரம் சிம்பு நடித்த “வந்தா ராஜாவாதான் வருவேன்” படம் வெளியானதையடுத்து இன்று தனது பிறந்தநாளை கிண்டியில் உள்ள ஒரு விடுதியில் வைத்து கொண்டாடிய சிம்பு தனது நெருங்கிய நண்பர்களையும் சினிமா நட்சத்திரங்களையும் அழைத்திருந்தார். இது பிறந்தநாளோடு கூடிய படத்தின் வெற்றியையும் கொண்டாடும் வகையில் அமைந்தது.

பிறந்தநாள் விழாவில் நடிகர்கள் தனுஷ், ஜெயம் ரவி, மஹத், ஹரீஷ் கல்யாண், நடிகைகள் யாஷிகா, ஐஸ்வர்யா தத்தா ஆகியோரும் கலந்துகொண்டனர். எஸ்.டி.ஆர் என எழுதப்பட்டிருந்த கேக்கை சிம்பு வெட்டியவுடன், தனுஷ் உள்ளிட்டவர்களுக்கு ஊட்டினார். இந்த வீடியோவை இசையமைப்பாளர் யுவன் சங்கர் ராஜா தனது முகநூல் பக்கத்தில் பதிவிட்டிருந்தார்.

இந்நிலையில் இன்று நடக்கவிருக்கும் இளையராஜா 75 இரண்டாம் நாள் இசை நிகழ்ச்சியில் அனைவரும் கலந்து கொள்வார்கள் என எதிர்பார்க்கப்படுகிறது. 


Comments....

This site uses Akismet to reduce spam. Learn how your comment data is processed.