பொள்ளாச்சி விவகாரம் தமிழக அரசின் மீது சந்தேகத்தை எழுப்பிய திருமாவளவன்

பொள்ளாச்சி பாலியல் வன்கொடுமை சம்பவம் தொடர்பாக திருநாவுக்கரசு, சபரிராஜன், சதீஷ், வசந்தகுமார் ஆகிய 4 பேர் கைது செய்யப்பட்டு, அவர்கள் மீது குண்டர் தடுப்புச் சட்டத்தில் வழக்குப்பதிவு செய்யப்பட்டுள்ளது.

இந்த வழக்கை சி.பி.சி.ஐ.டி போலிசார் விசாணை செய்து லந்தது. இந்நிலையில் இந்த வழக்கை இனி சி.பி.ஐ விசாரிக்கும் என்று தமிழக அரசு நேற்று முன்தினம் முடிவு செய்து, அதற்காக அதிகாரபூர்வ அரசாணையை இன்று வெளியிட்டுள்ளது.

இந்நிலையில் இது குறித்து பேட்டி அளித்த திருமாவளவன் கூறியதாவது, இந்த வழக்கை முதலில் சி.பி.சி.ஐ.டி மூலம் விசாரணை நடத்தப்படும் என அறிவித்த தமிழக அரசு, திடீரென்று சிபிஐ விசாரணைக்குப் பரிந்துரைத்துள்ளது. தமிழக அரசின் இந்நடவடிக்கை சந்தேகத்தை எழுப்பியுள்ளது.

பொள்ளாச்சி சம்பவம் குறித்து நீதிமன்றக் கண்காணிப்பின் கீழ் சிறப்புப் புலனாய்வுக் குழு அமைத்து விசாரணை செய்ய வேண்டும்.

இக்கோரிக்கையை வலியுறுத்தியும், பொள்ளாச்சி சம்பவத்தில் தொடர்புடைய அனைவரையும் கைது செய்ய வலியுறுத்தியும் விடுதலைச் சிறுத்தைகள் கட்சி சார்பில் சென்னையில் வெள்ளிக்கிழமை (மார்ச் 15) ஆர்ப்பாட்டம் நடைபெறும்.

Comments....

This site uses Akismet to reduce spam. Learn how your comment data is processed.