நேருக்கு நேர் மோதியதில் யார் சிறந்தவர்கள் சென்னையா கொல்கத்தாவா

இன்று இரவு 8 மணிக்கு நடைபெறும் போட்டியில் சென்னை சூப்பர் கிங்ஸ் அணி கொல்கத்தா நைட் ரைடர்ஸ் அணியை தனது சொந்த மண்ணில் எதிர்கொள்கிறது. இப்போட்டி சென்னை எம்.ஏ சிதம்பரம் மைதானத்தில் நடைபெறுகிறது.

புள்ளி பட்டியலில் முதல் இரண்டு இடங்களில் இருக்கும் அணிகள் மோதுவதால் இப்போட்டிக்கு மிகுந்த எதிர்பார்ப்பு எழுந்துள்ளது. அதே சமயம் ஆன்ரே ரஸலை சமாளிக்க தோனி என்ன கள வியூகம் வைத்திருக்கிறார் என்பதை பார்க்கவும் ரசிகர்கள் ஆவலுடன் உள்ளனர்.

ஆன்ரே ரஸல், ராபின் உத்தப்பா, தினேஷ் கார்த்திக் போன்ற வீரர்கள் சென்னை அணியின் பந்து வீச்சாளர்களுக்கு கடும் நெருக்கடியை தருவார்கள். அதே சமயம் சென்னை அணியின் பந்து வீச்சாளர் இம்ரான் தாஹிர், ஹர்பஜன் சிங், தீபக் சாஹ்ர் ஆகியோர் கொல்கத்தா அணி பேட்ஸ் மேன்களுக்கு அச்சுறுத்தலாக இருப்பார்கள்.

இன்றைய போட்டியில் இரு அணிகளிலும் எந்த மாற்றமும் இருக்காது என எதிர்பார்க்கப்படுகிறது..

நேருக்கு நேர்: இதுவரை இரு அணிகளும் 21 முறை நேருக்கு நேர் மோதியுள்ளனர். இதில் 12 முறை சென்னை சூப்பர் கிங்ஸ் அணியும், 8 முறை கொல்கத்தா அணியும் வெற்றி பெற்றுள்ளனர்.

கடந்த ஆண்டு இரண்டு போட்டிகளில் இவ்விரு அணிகளும் மோதின. ஒன்றில் கொல்கத்தாவும், மற்றொன்றில் சென்னையும் வெற்றி பெற்றது.

Comments....

This site uses Akismet to reduce spam. Learn how your comment data is processed.