கொல்கத்தாவை செமயா கலாய்த்து டுவிட் போட்ட சி.எஸ்.கே அணி

பெங்களுர் அணிக்கு எதிரான போட்டியை வெற்றி பெற்ற கொல்கத்தா அணி “மூணு நாள்ல மீட் பண்ணலாம்” என டுவிட் போட்டு, சென்னை சூப்பர் கிங்ஸ் அணிக்கு நேரடியாக சவால் விட்டது.

இந்நிலையில் மிகுந்த எதிர்பார்ப்புடன் சென்னை மற்றும் கொல்கத்தா அணிகளுக்கு இடையேயான போட்டி நேற்று நடைபெற்றது.

இப்போட்டியில் முதலில் பேட் செய்த கொல்கத்தா அணியில் கிறிஸ் லின் (0), ராபி உத்தப்பா (11), தினேஷ் கார்த்திக் (19), நிதிஷ் ராணா (0) என அடுத்தடுத்து சொற்ப ரன்களில் அவுட்டாகினர். ஒரு முனையில் சூழ்நிலையை உணர்ந்து ஆடிய ரஸல் 44 பந்தில் 50 ரன்களை குவித்தார்.

இதனால் அந்த அணி 20 ஓவர் முடிவில் 9 விக்கெட் இழப்புக்கு 108 ரன்கள் மட்டுமே எடுத்தது. இதனையடுத்து களமிறங்கிய சென்னை அணி 17. 2 ஓவரில் வெற்றி இலக்கை எட்டியது. கொல்கத்தாவை 7 விக்கெட் வித்திசயத்தில் வீழ்த்தியது சென்னை.

இந்த வெற்றிக்கு பின், புள்ளி பட்டியலில் முதலிடத்திற்கு முன்னேறி உள்ளது சென்னை அணி . அதே சமயம் முதல் இடத்தில் இருந்த கொல்கத்தா அணி இரண்டாம் இடத்திற்கு தள்ளப்பட்டுள்ளது.

இந்நிலையில் கொல்கத்தா அணி போட்ட டுவிட்டிற்கு பதிலடி கொடுக்கும் வகையில் ” உங்களை சந்தித்ததில் மகிழ்ச்சி” என கிண்டலாய் சி.எஸ்.கே. டுவிட் செய்துள்ளது. தற்போது டுவிட் வைரலாகி வருகிறது.

Comments....

This site uses Akismet to reduce spam. Learn how your comment data is processed.