10 ஆண்டு கால நெஹ்ராவின் சாதனைய முறியடித்து தீபக் சாஹர் புதிய சாதனை

நேற்றைய லீக் போட்டியில் சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் அணிகள் மோதின. இப்போட்டியில் முதலில் பேட் செய்த கொல்கத்தா அணி 20 ஓவர் முடியில் 9 விக்கெட்டுகள் இழப்பிற்கு 108 ரன்கள் மட்டுமே சேர்த்தது.

இதனையடுத்து 109 என்ற எளிய இலக்கை துரத்திய சென்னை அணி, 17.3 ஓவரில் 3 விக்கெட் இழப்புக்கு 111 ரன்களை எடுத்தது. இதன் மூலம் நடப்பு ஐ.பி.எல் தொடரில் தனது 5வது வெற்றியை பதிவு செய்தது. மேலும் புள்ளி பட்டியலிலும் முதல் இடத்திற்கு சென்றது சென்னை அணி.

கடந்த 2009ம் ஆண்டு டெல்லி டேர்டெவில்ஸ் அணிக்காக விளையாடி ஆஷிஷ் நெஹ்ரா, கிங்ஸ் லெவன் பஞ்சாப் அணிக்கு எதிரான ஒரு போட்டியில் 19 டாட் பால்களை வீசி சாதனை புரிந்தார். இந்த சாதனை 10 ஆண்டுகளாக முறியடிக்கபடாமல் இருந்தது.

இந்நிலையில் நேற்று கொல்கத்தாவுக்கு எதிரான போட்டியில் சென்னை அணி வீரர் தீபக் சாஹர் 20 டாட் பால்களை வீசி நெஹ்ராவின் சாதனை முறியடித்துள்ளார்.

Comments....

This site uses Akismet to reduce spam. Learn how your comment data is processed.