ரோகித் சர்மாவின் காயம் குறித்து பொல்லார்ட் முக்கிய பேட்டி

நேற்று இரவு நடைபெற்ற ஐ.பி.எல் 12வது தொடரின் 24வது லீக் போட்டியில் மும்பை இந்தியன்ஸ் மற்றும் கிங்ஸ் லெவன் பஞ்சாப் அணிகள் மோதின. இப்போட்டியில் முதலில் பேட் செய்த பஞ்சாப் அணி 20 ஓவர் முடிவில் 197 ரன்களை குவித்தது.

இதனையடுத்து களமிறங்கிய மும்பை அணியில் பொல்லார்ட் 31 பந்தில் 83 ரன்களை குவித்து அதிரடி காட்ட, மும்பை அணி 20 ஓவரில் 198 ரன்களை எட்டி வெற்றி பெற்றது. புள்ளி பட்டியலிலும் 3வது இடத்தை பிடித்தது.

இப்போட்டியில், மும்பை அணியின் நடப்பு கேப்டன் ரோகித் சர்மா பயிற்சியின் போது ஏற்பட்ட காயம் காரணமாக நேற்றைய போட்டியில் பங்கேற்கவில்லை. இதனால் அவருக்கு மாற்றாக சித்தேஷ் லாட் என்ற இளம் வீரர் களம் இறக்கப்பட்டார். மும்பை அணியை அனுபவ வீரர் பொல்லார்ட் கேப்டனாக வழிநடத்தினார்.

போட்டி முடிந்து பேட்டியளித்த பொல்லார்ட் ரோகித் சர்மாவின் காயம் குறித்து கூறியதாவது., ரோகித் சர்மாவுக்கு ஏற்பட்டுள்ள காயம் கவலைபடும் அளவிற்கு இல்லை. சிறிய காயம் தான் விரைவில் குணமடைந்துவிடும். தற்போது ஓய்வு அளிக்கப்பட்டது முன்னெச்சரிக்கை நடவடிக்கை மட்டுமே. அடுத்த போட்டியில் கண்டிப்பாக அவர் கேப்டனாக பங்கேற்பார். அவர் மீண்டும் அணிக்கு திரும்பும் போது கேப்டன் பதவியை அவரிடம் ஒப்படைத்து விடுவேன் என அவர் தெரிவித்துள்ளார்.

Comments....

This site uses Akismet to reduce spam. Learn how your comment data is processed.