கங்குலி தோனி கோலி சிறந்த கேப்டன் யார் சேவாக் தந்த அதிரடி பதில்

நான் விளையாடிய கேப்டன்களிலே கங்குலி தான் மிகவும் திறமை வாய்ந்தவர். தோனி மற்றும் விராட் கோலி எல்லாம் அவருக்கு கீழ் தான் என இந்திய கிரிக்கட் அணியின் முன்னாள் வீரரும், தொடக்க ஆட்டக்காரருமான விரேந்திர சேவாக் கூறியுள்ளார்.

கடந்த 2000மாவது ஆண்டு இந்திய கிரிக்கெட் அணி மேட்ச் பிக்சிங் புகாரால் நிலை குலைந்து போனது. அதன் பின் தான் இந்திய அணிக்கு கேப்டனாக லந்தார் சவுரவ் கங்குலி.

அவர்தான் நிலை குலைந்து இருந்த இந்திய அணியை மறு உருவாக்கம் செய்தார். பல திறமையான இளம் வீரர்களை கண்டெடுத்து அணியில் இணைத்தார். 2003 உலக கோப்பை இறுதி போட்டி வரை அழைத்து சென்றார் கங்குலி. உலகின் தலை சிறந்த கிரிக்கெட் அணியாக இந்தியாவை மாற்றினார்.

கங்குலி மிகவும் திறமைசாலி. அவர் கேப்டனாக கள வியூகங்களை அற்புதமாக வகுக்க கூடியவர். ஒரு வீரரை பார்த்தவுடன் அவரது திறமை என்ன என்பதை நொடியில் எடை போட்டு விடுவார்.

அனுபவம் உள்ள வீரர்கள் கொண்ட அணியை கேப்டனாக வழி நடத்துவது மிகவும் எளிது. ஆனால் கங்குலி அனுபவமில்லாத வீரர்களை கொண்டு அணியை கட்டமைத்தார். அணியை சிறப்பாகவும் வழி நடத்தினார்.

நான் கங்குலி, தோனி, கோலி என மூன்று கேப்டன்களுக்கு கீழும் விளையாடி உள்ளேன். எனது அனுபவத்தில் கங்குலி தான் சிறந்த கேப்டன் திறமைசாலி. தோனி, கோலி எல்லாம் அவருக்கு ஒருபடி கீழ்தான் என சேவாக் தெரிவித்துள்ளார்.

Comments....

This site uses Akismet to reduce spam. Learn how your comment data is processed.