மீண்டும் இந்திய அணியில் தோனி.. அதிகாரப்பூர்வ அறிவிப்பை வெளியிட்ட தேர்வுக்குழு தலைவர்

முன்னாள் கேப்டன் எம்.எஸ்.தோணி மீண்டும் அணியில் இணைய வாய்ப்பு இருப்பதாக இந்திய அணியின் தேர்வுக்குழு தலைவர் எம்.எஸ்.கே.பிரசாத் தெரிவித்துள்ளார்.

Image result for ind vs ban 2019 series

தென் ஆப்ரிக்கா அணிக்கு எதிரான தொடரை முடித்துக்கொண்ட இந்திய அணி, அடுத்ததாக வங்கதேச அணிக்கு எதிரான டி-20 போட்டிகள் மற்றும் 2 டெஸ்ட் போட்டிகள் கொண்ட தொடர்களில் விளையாட இருக்கிறது.

Third party image reference

இந்நிலையில் இதில் டி-20 தொடருக்கான இந்திய அணியை பிசிசிஐ சமீபத்தில் வெளியிட்டது. அதில் முன்னாள் கேப்டன் தோனியின் பெயர் இடம்பெறவில்லை. சமீபத்தில் பிசிசிஐ தலைவராக பொறுப்பேற்ற கங்குலி, தோனிக்கு மீண்டும் அணியில் வாய்ப்பு தருவதாக கூறியிருந்தார். அப்படியிருந்தும் தோனி அணியில் இடம்பெறாமல் போனது அனைவருக்கும் அதிர்ச்சியை தந்தது.

Third party image reference

இந்நிலையில் இதுகுறித்து பேசிய இந்திய அணியின் தேர்வுக்குழு தலைவர் எம்.எஸ்.கே.பிரசாத், “அடுத்த வருடம் துவங்கும் டி-20 உலகக்கோப்பை தொடருக்காக இளம் வீரர் ரிஷாத் பாண்ட்டை தயார் செய்து வருகிறோம். எனவே அனைத்து விதமான போட்டிகளிலும் அவருக்கே முன்னுரிமை அளிக்கப்படும். தோனியை நாங்கள் இரண்டாவது ஆப்ஷனாகவே வைத்திருக்கிறோம். ஒருவேளை நேரம் வந்தால் தோனி மீண்டும் அணியில் சேர்க்கப்படுவார்.” என்றார் அவர்.

மீண்டும் ஒரு இரட்டை சதம்.. வெறித்தன ஆட்டம் ஆடிய ரோஹித் ஷர்மா

ஒருநாள் போட்டியை தொடர்ந்து ரோஹித் ஷர்மா தனது முதல் இரட்டை சதத்தை டெஸ்ட் கிரிக்கெட் அரங்கில் விளாசியுள்ளார்.

This image has an empty alt attribute; its file name is 0ac04fd9d500ded0395ca8835ee913c4-480.jpg

இந்தியா மற்றும் தென் ஆப்ரிக்கா அணிகள் மோதும் 3-வது டெஸ்ட் போட்டி விறுவிறுப்பாக நடைபெற்று வருகிறது.

இப்போட்டியில் முதல் இன்னிங்ஸ் ஆடிய இந்திய அணி 9 விக்கெட்டுகள் இழப்பிற்கு 497 ரன்கள் எடுத்திருந்த நிலையில் கேப்டன் விராட் கோலி டிக்ளரை அறிவித்தார்.

முதல் இன்னிங்சில் இந்திய அணியின் இந்த இமாலய ரன் குவிப்பிற்கு முக்கிய காரணம் துவக்க ஆட்டக்காரர் ரோஹித் ஷர்மா தான். சக வீரர்கள் விக்கெட்டை இழந்து வெளியேற, பொறுப்பை ஏற்றுக்கொண்ட ரோஹித் ஷர்மா நிதானமாக விளையாடி 255 பந்துகளில் 212 ரன்கள் என அபாரமான இரட்டை சதம் விளாசினார். அதில் 28 பவுண்டரிகளும் 6 சிக்ஸர்களும் அடங்கும்.

This image has an empty alt attribute; its file name is 7e4207088421ba5dd2420f7e1c814aca-480.jpg

ரோஹித் ஷர்மாவின் இந்த அபாரமான ஆட்டம் அனைத்து கிரிக்கெட் வீரர்கள் மத்தியில் மிகுந்த வரவேற்பை பெற்றது. மேலும் இந்த இரட்டை சதம் டெஸ்ட் அரங்கில் ரோஹித் ஷர்மா விளாசும் முதல் இரட்டை சதம் ஆகும். பொதுவாக அதிரடி மேல் அதிரடி காட்டி இதுவரை ஒருநாள் போட்டிகளில் 3 இரட்டை சதம் விளாசியிருக்கும் ரோஹித் ஷர்மா, இன்று தன்னால் பொறுமையாகவும் விளையாடி இரட்டை சதம் அடிக்க முடியும் என நிரூபித்துவிட்டார்.

வந்த வேகத்தில் 5 சிக்ஸர்கள்.. மிரண்டுபோன விராட் கோலி

இந்திய மற்றும் சௌத் ஆப்ரிக்கா அணிகள் மோதும் 3-வது டெஸ்ட் போட்டி விறுவிறுப்பாக நடைபெற்று வருகிறது.

இப்போட்டியில் முதல் இன்னிங்சில் பேட்டிங் செய்த இந்திய அணி 9 விக்கெட்டுகள் இழப்பிற்கு 497 ரன்கள் எடுத்த நிலையில் கேப்டன் விராட் கோலி டிக்ளரை அறிவித்தார்.

Third party image reference

அதன்படி இன்றைய ஆட்டத்தில் இந்திய அணியின் பேட்டிங்கின் போது சில ருசிகர சம்பவங்கள் நடந்தன. அதாவது அனுபவ வீரர் ரோஹித் ஷர்மா இன்றைய ஆட்டத்தில் 212 ரன்கள் எடுத்து அபாரமான இரட்டை சதம் கடந்தார்.

Third party image reference

ஒரு கட்டத்தில் விக்கெட்டுகள் மளமளவென விழுக மிடில் ஆர்டரில் களமிறங்கிய வேகப்பந்துவீச்சாளர் உமேஷ் யாதவ், யாரும் நினைத்துக்கூட பார்க்க முடியாத அளவிற்கு அபாரமான ஆட்டம் காட்டினார். வெறும் 10 பந்துகளை எதிர்கொண்ட அவர் 5 சிக்ஸர்களை விளாசி மொத்தம் 30 ரன்கள் சேர்த்தார்.

Third party image reference

உமேஷ் யாதவ்வின் இந்த ஆட்டம் சௌத் ஆப்ரிக்கா வீரர்களை நடுங்க செய்தது. ஒரு கட்டத்தில் உமேஷ் யாதவ்வின் ஆட்டத்தை கண்ட விராட் கோலி தன்னை அறியாது எழுந்து நின்று அவரை உற்சாகப்படுத்தினார். இந்த சம்பவம் 3-வது டெஸ்டில் ஒரு சிறப்பான சம்பவமாக அமைந்தது.

கிரிக்கெட்டில் உடைக்க முடியாத ஒரே சாதனை இதுதான்..

பாகிஸ்தான் கிரிக்கெட் உலகின் நட்சத்திர வீரரும், பாகிஸ்தான் அணியின் முன்னாள் கேப்டனுமாக இருந்தவர் தான் ஷாகித் அப்ரிடி. இவரை எல்லோரும் செல்லமாக “பூம் பூம் அப்ரிடி” என்றுதான் அழைப்பார்கள்.

அதற்கு காரணம் அப்ரிடி சிக்ஸர்களை விளாசுவதில் மிகவும் கை தேர்ந்தவர். அசாதாரமாக சிக்ஸர்களை விளாசும் இவர், உலகில் எந்த வீரரும் இன்றுவரை உடைக்க முடியாத சாதனை ஒன்றை நிகழ்த்தி உள்ளார்.

Third party image reference

அதாவது 2013-ல் தென் ஆப்ரிக்கா அணிக்கு எதிரான ஒருநாள் ஆட்டத்தில் பாகிஸ்தான் அணி மிகவும் தடுமாறி வந்ததது. அந்நேரம் ஆட்டத்தில் களமிறங்கிய அப்ரிடி சிக்ஸர் மற்றும் பவுண்டரிகளை விளாசி தள்ளினார் அதில் அவர் அடித்த ஒரு சிக்ஸர் அதிக பட்சமாக 158 மீட்டர் தூரம் சென்றது. அதாவது பந்து மைதானத்தை விட்டே வெகுதூரம் சென்று விழுந்தது.

Third party image reference

அப்போட்டியில் அப்ரிடி 7 சிக்ஸர்கள் மற்றும் 5 பவுண்டரிகள் என 48 பந்துகளில் 88 ரன்கள் விளாசுவார். எனினும் சக வீரர்கள் ஜொலிக்க தவறியதால், அப்போட்டியில் பாகிஸ்தான் அணி 34 ரன்கள் வித்தியாசத்தில் தோல்வியை சந்திக்கும். எனினும் அப்ரிடியின் அந்த மிரட்டலான சிக்ஸர் இன்றுவரை உலகசாதனை பட்டியலில் முதலிடத்தில் உள்ளது.

30 பந்தில் 69 ரன்கள்.. காட்டடி அடித்த ஆப்கானிஸ்தான் வீரர்.. பெரிய அணியை வீழ்த்தி சாதனை!

Third party image reference

நஜிபுல்லா ஜார்டானின் அதிரடியால் அனுபவம் குறைந்த ஆப்கானிஸ்தான் அணி 28 ரன்கள் வித்தியாசத்தில் ஜிம்பாப்வே அணியை வீழ்த்தி வெற்றி பெற்றுள்ளது.

Third party image reference

வங்கதேசத்துக்கு சுற்றுப்பயணம் மேற்கொண்டுள்ள ஆப்கானிஸ்தான் மற்றும் ஜிம்பாப்வே அணிகள் 6 டி-20 போட்டிகள் ட்ரை-சீரிஸ் தொடரில் விளையாடி வருகிறத.இதில் நேற்று நடைபெற்ற 2-வது ஆட்டத்தில் ஜிம்பாப்வே அணியும், ஆப்கானிஸ்தான் அணியும் மோதியது.

Third party image reference

இப்போட்டியில் முதலில் பேட்டிங் செய்த ஆப்கானிஸ்தான் அணி 20 ஓவர்கள் முடிவில் 5 விக்கெட்டுகள் இழப்பிற்கு 197 ரன்கள் விளாசியது. பின்னர் இதனை சேஸிங் செய்த ஜிம்பாப்வே அணி 20 ஓவர்கள் முடிவில் 7 விக்கெட்டுகளை இழந்து 169 ரன்கள் மட்டுமே எடுத்தது. இதன் மூலம் ஆப்கானிஸ்தான் அணி 28 ரன்கள் வித்தியாசத்தில் வெற்றியை தட்டி சென்றது.

Third party image reference

இப்போட்டியில் அபாரமாக விளையாடிய ஆப்கானிஸ்தான் அணியின் நஜிபுல்லா ஜார்டான், 6 சிக்ஸர்கள் 5 பவுண்டரிகள் என வெறும் 30 பந்துகளில் 69 ரன்கள் விளாசியதுடன் கடைசி நேரத்தில் அணியின் ஸ்கோரை மளமளவென உயர்த்தினார். இவரது அதிரடி ஆட்டமே ஆப்கானிஸ்தான் அணிக்கு இமாலய ரன்களை குவிக்க காரணமாக அமைந்தது. மேலும் ஆட்டத்தின் முடிவில் நஜிபுல்லா ஜார்டான் ஆட்டநாயகனாகவும் தேர்வு செய்யப்பட்டார்.

உலக கோப்பையில் சுழற்சி முறையில் வீரர்கள் களம் இறக்க படுவார்கள் லிராட் கோலி திட்டவட்டம்

50 ஓவர் உலக கோப்பை போட்டிகள் வருகிற மே 30ந் தேதி தொடங்க உள்ளது. இதற்கான 15 பேர் கொண்ட இந்திய அணியை பிசிசிஐ ஏற்கெனவே அறிவித்து விட்டது. இந்நிலையில் உலக கோப்பை போட்டிகளில் பங்கேற்க நாளை இங்கிலாந்து புறப்பட்டு செல்கிறது இந்திய அணி.

இந்நிலையின் இந்திய கிரிக்கெட் அணியின் கேப்டன் விராட் கோலி மற்றும் தலைமை பயிற்சியாளர் ரவி சாஸ்த்திரி ஆகியோர் செய்தியாளர்களை இன்று சந்தித்தனர். அப்போது விராட் கோலி கூறியதாவது.,

தற்போது உலக கோப்பை போட்டிகளில் விளையாட இந்திய அணி தயார் நிலையில் உள்ளது. இந்திய அணியில் உள்ள ஒவ்வொரு வீரரும் நல்ல ஃபார்மில் உள்ளனர்.

இந்த உலகக் கோப்பை கிரிக்கெட் போட்டியில் உச்சகட்ட எதிர்பார்ப்புகளை பூர்த்தி செய்வது அனைத்து வீரர்களுக்கும் சவாலாக இருக்கும். அதை நாங்கள் நிச்சயம் பூர்த்தி செய்வோம்.

இம்முறை உலக கோப்பை அணியில் தேர்வான ஒவ்வொரு வீரருக்கு சுழற்சி முறையில் களம் இறக்கப்படுவார்கள். அனைவருக்கும் வாய்ப்பு அளிக்கப்படும்.

அனைத்து வீரர்களும் ஒன்றிணைந்து சிறப்பாக செயல்பட்டு விளையாடினால் கோப்பையை மீண்டும் கொண்டு வர வாய்ப்பு உள்ளது என விராட் கோலி தெரிவித்துள்ளார்.

மூன்று அதிரடி மாற்றங்களுடன் புதிய உலக கோப்பை இங்கிலாந்து அணி அறிவிப்பு

12வது 50 ஓவர் உலக கோப்பை போட்டிகள் வரும் மே 30ந் தேதி தொடங்கி ஜூலை 14 ந் தேதி வரை இங்கிலாந்து நாட்டில் நடைபெற உள்ளது. இத்தொடருக்கான 15 பேர் கொண்ட அதிகாரப்பூர்வ இறுதி இங்கிலாந்து அணியை இங்கிலாந்து கிரிக்கெட் வாரியம் இன்று அறிவித்துள்ளது.

இதில் மூன்று முக்கிய மாற்றங்கள் செய்யப்பட்டுள்ளன. சமீப காலமாக லிமிடெட் ஓவர் கிரிக்கெட் போட்டிகளில் சிறப்பாக விளையாடி வரும் ஜோஃப்ரா ஆர்ச்சர் அணியில் இடம் பெற்றுள்ளார். பாகிஸ்தானுக்கு எதிராக ஒரு நாள் தொடரில் மோசமாக ஆடிய டேவிட் வில்லி அணியில் இருந்து நீக்கப்பட்டுள்ளார்.

அதே போல் தொடக்க ஆட்டக்காரர் அலெக்ஸ் ஹேல்ஸுக்கு மாற்றாக ஜேம்ஸ் வின்ஸ் சேர்க்கப்பட்டுள்ளார். அணியில் மூன்றாவது ஸ்பின்னராக லியம் டேவ்சன் தேர்வு செய்யப்பட்டுள்ளார்.

உலக கோப்பை 15 பேர் கொண்ட இங்கிலாந்து அணி: இயான் மோர்கன் (கேப்டன்), ஜேசன் ராய், ஜேம்ஸ் வின்ஸ், ஜானி பே்ர்ஸ்டோ, ஜோ ரூட், பென் ஸ்டோக்ஸ், ஜோஸ் பட்லர், லியம் டேவ்சன், ஜோஃப்ரா ஆர்ச்சர், லியம் பிளங்கெட், கிறிஸ் வோக்ஸ், மொயீம் அலி, அடில் ரஷித், டாம் கர்ரன், மார்க் வுட்.

அந்த தோல்விக்கு பின் மீடியாக்கள் எங்களை தீவிரவாதிகள் போல் நடத்தினர் தோனி வருத்தம்

கடந்த 2007ம் ஆண்டு 50 ஓவர் உலக கோப்பை போட்டிகள் மேற்கு இந்திய தீவுகளில் நடைபெற்றது. இத்தொடரில் ராகுல் டிராவிட் தலைமையிலான இந்திய அணி வங்கதேசத்துக்கு எதிரான முதல் போட்டியிலும் இலங்கைக்கு எதிரான போட்டியிலும் படு தோல்வி அடைந்தது. இதனால் அந்த உலக கோப்பையில் லீக் சுற்றிலே வெளியேறி அதிர்ச்சி அளித்தது இந்திய அணி.

இதனால் உலக கோப்பை அணியில் இடம் பெற்ற அனைத்து வீரர்களும் மீடியாக்களால் கடுமையாக விமர்சனம் செய்யப்பட்டன. இத்தொடரில் இரண்டு முக்கிய போட்டிகளில் டக் அவுட் ஆனதால் தோனியும் கடுமையான விமர்சனத்தை சந்தித்தார்.

இந்நிலையில் 2007 உலக கோப்பை தோல்வி குறித்து தோனி கூறியிருப்பதாவது, இன்னும் வங்க தேசத்துக்கு எதிரான தோல்வி இன்னும் என்னை காயப்படுத்தி கொண்டு தான் உள்ளது. 2007 உலக கோப்பை தொடரில் லீக் சுற்றில் வெளியேறினோம். இத் தோல்விக்கு இந்திய வீரர்கள் யாரும் துளியும் வருத்தபட வில்லை என மக்கள் கருதினார்கள். மீடியாக்கள் எங்களை கடுமையாக விமர்சனம் செய்தனர்.

ஒரு விளையாட்டு வீரராக வெற்றி தோல்வி இரண்டையும் சமாளிக்க தெரிய வேண்டும். தோல்விக்கு பின் மைதானத்தில் அழுவதாலோ அல்லது ஃபிரஸ் மீட் டில் அழுவதாலோ எதுவும் நடக்க போவதில்லை.

நாங்கள் மேற்கு இந்திய தீவுகளில் இருந்து விமானம் மூலம் டெல்லி வந்தடைந்தோம். அப்போது விமான நிலையத்தில் பலத்த பாதுகாப்பு போடப்பட்டிருந்தது. நாங்கள் தரையிறங்கிய உடன் மீடியா எங்களை சூழ்ந்து கொண்டது.

போலிசார் எங்களை ஒரு வேனில் ஏற்றி அங்கிருந்து அப்புறவு படுத்தினர். அந்த வேனில் நான் சேவாக் மற்றும் ஹர்பஜன் சிங் அருகில் அமர்ந்திருந்தேன். வேன் 60-70 கி.மீ வேகத்தில் சென்றது. எங்கள் வேனை துரத்தி கொண்டு மீடியாக்களின் வாகனம் வந்தது. அந்த வாகனத்தின் மேல் பெரிய விளக்குகளும் கேமராக்களும் இருந்தது. விடாமல் துரத்தி கொண்டே வந்தனர். மீடியாக்கள் எங்களை பெரிய குற்றத்தை செய்த தீவிரவாதிகளை போல துரத்தினர். ஒரு கட்டத்தில் எங்களை பிடித்து விட்டனர்.

நாங்கள் 20 நிமிடம் காவல் நிலையத்தில் இருந்தோம். மீடீயாக்கள் கலைந்த பின் நாங்கள் எங்கள் காரில் ஏறி வீடு திரும்பினோம். இந்த சம்பவம் என்னை நல்ல கிரிக்கெட்டராகவும், நல்ல குணமுடைய மனிதனாக மாற்றியது என தெரிவித்தார்.

உலக கோப்பையில் மிகவும் ஆபத்தான அணி இதுதான் பிரைன் லாரா எச்சரிக்கை

அனைவரும் எதிர்பார்த்து கொண்டு இருந்த 50 ஓவர் உலக கோப்பை போட்டிகள் வருகிற மே 30ந் தேதி தொடங்க உள்ளது. 27 ஆண்டுகளுக்கு பின் இம்முறை உலக கோப்பையில் ஒவ்வொரு அணியும் லீக் சுற்றில் மோத உள்ளன.

இம்முறை உலக கோப்பையை இந்தியா அல்லது இங்கிலாந்து அணிகளில் ஒன்று தான் வெல்லும் என பல முன்னாள் வீரர்கள் கருத்து தெரிவித்து வருகின்றன. பேலும் மேற்கு இந்திய தீவுகள், ஆஸ்ரேலியா, நியூஸ்லாந்து போன்ற அணிகள் கடும் சாவால் அளிக்கும் எனவும் கூறப்பட்டு வருகிறது.

இந்நிலையில் இந்த உலக கோப்பை தொடரில் ஆஸ்ரேலியா அணி தான் மிகவும் ஆபத்தான அணியாக இருக்கும் என மேற்கு இந்திய அணியின் லெஜன்ட் பிரைன் லாரா கூறியுள்ளார். அவர் கூறி உள்ளதாவது.,

வார்னர் மற்றும் ஸ்மித்தின் வருகை அந்த அணிக்கு வலு சேர்த்துள்ளது. அவர்களின் நிலைதன்மை மற்றும் ஃபார்ம் சிறப்பாக உள்ளது. சமீபத்தில் ஆஸ்ரேலியா அணி சிறப்பாக விளையாடி உள்ளது. தற்போது உள்ள ஆஸ்ரேலிய அணி 1999 மற்றும் 2003ல் உள்ள அணி போன்று வலிமையானதாக இல்லாவிட்டாலும், அவர்களை குறைத்து எடை போட முடியாது. அவர்கள் நடப்பு சாம்பியன். உலக கோப்பை என்று வந்து விட்டால் அந்த அணி மிகவும் ஆபத்தான அணியாக மாறிவிடும். இந்த முறையில் அப்படித்தான் இருப்பார்கள் என தெரிவித்துள்ளார்.

பாகிஸ்தான் கிரிக்கெட் வீரரின் இரண்டு வயது மகள் திடீர் மரணம்

பாகிஸ்தான் கிரிக்கெட் அணியின் 27 வயதான பேட்ஸ்மேன் அஷிப் அலி. இவரது இரண்டு வயது மகன் நூர் பாத்திமா புற்று நோயால் பாதிக்க பட்டிருப்பதாகவும், மேல் சிகிச்சைக்காக அமெரிக்கா கொண்டு செல்ல உள்ளதாகவும் கடந்த ஏப்ரல் 22ந் தேதி டுவிட் செய்திருந்தார் அஷிப் அலி.

கடந்த ஒரு மாத காலமாக நூர் பாத்திமாவுக்கு அமெரிக்காவில் உள்ள பிரபல புற்றுநோய் மருத்துவமனையில் சிகிச்சை அளிக்கப்பட்டு வந்தது.

இந்நிலையில் இன்று நூர் பாத்திமா புற்றுநோய் சிகிச்சை பலனின்றி இறந்துள்ளார். தன் மகள் இறந்த செய்தியை கேட்ட அஷிப் அலி தற்போது மனம் உடைந்து உள்ளார். உடனடியாக இங்கிலாந்தில் இருந்து அமெரிக்கா புறப்பட்டு செல்ல உள்ளதாக தகவல் வெளியாகி உள்ளது.

அஷிப் அலி தற்போது இங்கிலாந்துக்கு எதிரான ஒருநாள் தொடருக்கான பாகிஸ்தான் அணியில் இடம் பெற்று விளையாடி வருகிறார். இங்கிலாந்து அணிக்கு எதிரான கடைசி போட்டியில் 54 ரன்களை குவித்திருந்தார். இந்நிலையில் தன் மகன் இறந்த செய்தியை கேட்ட அஷிப் அலி இங்கிலாந்தில் இருந்து உடனடியாக அமெரிக்கா புறப்பட்டு சென்றுள்ளார்.

சர்வதேச கிரிக்கெட்டில் இருந்து யுவ்ராஜ் சிங் ஓய்வு?

இந்திய கிரிக்கெட் வரலாற்றில் மிகச் சிறந்த ஆல் ரவுண்டர்களில் ஒருவர் யுவ்ராஜ் சிங். கடந்த 2011ம் ஆண்டு இந்திய அணி உலக கோப்பையை கைப்பற்றியது போது அத்தொடர் முழுவதும் ஆல் ரவுண்டராக ஜொலித்தவர் யுவராஜ் சிங்.

புற்றுநோயில் இருந்து மீண்டு வந்த பின் இந்திய அணியில் தனது இடத்தை தக்க வைத்து கொள்ள முடியாமல் தவித்தார். கடந்த 2017ம் ஆண்டு வெஸ்ட் இன்டீஸ் அணிக்கு எதிரான இந்திய அணியில் கடைசியாக இடம் பெற்றிருந்தார். தற்போது இந்திய அணியில் அணியில் இருந்து முழுமையாக ஓரம் கட்டப்பட்ட நிலையில், ஐபிஎல் டி20 போட்டிகளில் மட்டுமே விளையாடி வருகிறார்.

இந்நிலையில் வெளிநாடுகளில் நடைபெறும் டி20 லீக் போட்டிகளில் பங்கேற்பதற்காக சர்வதேச கிரிக்கெட் போட்டிகளில் இருந்து யுவ்ராஜ் சிங் ஓய்வு பெற திட்டமிட்டுள்ளதாக தகவல்கள் வெளியாகி உள்ளது.

இது குறித்து பிசிசிஐ அதிகாரி ஒருவர் கூறுகையில், முதல் தர மற்றும் சர்வதேச கிரிக்கெட் போட்டிகளில் இருந்து ஓய்வு பெற யுவராஜ் சிங் திட்டமிட்டுள்ளார். இதுதொடர்பாக விரைவில் பிசிசிஐயிடம் பேசி முடிவு செய்ய உள்ளார். வெளிநாடுகளில் நடக்கும் டி20 தொடரில் பங்கேற்க யுவராஜ் சிங் மிகவும் ஆர்வமாக இருக்கிறார். கனடாவில் நடக்கும் ஜிடி20 போட்டி, அயர்லாந்து, ஹாலந்து, கரீபியன் ஆகிய நாடுகளில் நடக்கும் டி20 போட்டிகளில் விளையாட விருப்பமாக இருப்பதால், பிசிசிஐ அனுமதியைக் கோருகிறார்.

ஒரு வேளை பிசிசிஐ வெளிநாட்டு தொடரில் விளையாட அனுமதி அளித்தால், உடனே தனது ஓய்வை அறிவிப்பார். முதல் தர கிரிக்கெட்டில் இருந்து யுவ்ராஜ் ஓய்வு பெற்றாலும், பிசிசிஐயின் பதிவு பெற்ற டி20 வீரராக தான் இருப்பார். இதனால் யுவ்ராஜ் சிங் விஷயத்தில் பிசிசிஐ விதிகளை நன்கு ஆராய வேண்டியுள்ளது.

உலக கோப்பையை இந்த அணி தான் வெல்லும் திட்டவட்டமாக தெரிவித்த கம்பீர்

அனைவரும் எதிர்பார்த்து கொண்டிருக்கும் உலக கோப்பை போட்டிகள் வருகிற மே 30ந் தேதி இங்கிலாந்து நாட்டில் நடக்க உள்ளது.

இம்முறை உலக கோப்பையை வெல்ல இங்கிலாந்து மற்றும் இந்தியா அணிக்கு தான் வாய்ப்பு உள்ளது எனவும், ஆஸ்ரேலியா, நியூஸ்லாந்து, வெஸ்ட் இன்டிஸ் அணிகள் உலக கோப்பையை வெல்ல கடும் சவால் அளிக்கும் அணிகள் என கிரிக்கெட் விமர்சகர்கள் கருத்து தெரிவித்துள்ளனர்.

இந்நிலையில் இந்திய அணியின் முன்னாள் வீரர் கவுதம் கம்பீர் ஆஸ்ரேலியா அணிதான் உலக கோப்பையை வெல்லும் என கருத்து தெரிவித்துள்ளார்.

இம்முறை உலக கோப்பை தொடரில் பங்கேற்கும் அணிகள் அனைத்தும் ஏறக்குறைய சமபலத்தில் உள்ளன. போட்டிகள் பார்ப்பதற்கு சுவாரஷ்யமாக இருக்கும் என நினைக்கிறேன். உலக கோப்பை போட்டிகளில் விளையாட போகும் வீரர்கள் சுயநலமின்றி தங்கள் அணி வெற்றி பெற உழைக்க வேண்டும்.

என்னை பொறுத்த வரை இந்த முறை உலக கோப்பையை வெல்ல ஆஸ்ரேலியா அணிக்கு தான் அதிக வாய்ப்பு. இங்கிலாந்து இந்திய அணிகளுக்கு வாய்ப்பு இரண்டாவது தான். இந்த முறை உலக கோப்பை போட்டிகளில் ரோகித் ஷர்மா மற்றும் விராட் கோலி அதிக ரன்கலை குவிப்பார்கள் என தெரிவித்துள்ளார்.

இதை மட்டும் செய்தால் இந்திய அணி எளிதில் வெல்லலாம் டிராவிட் கருத்து

12வது 50 ஓவர் உலக கோப்பை போட்டிகள் வரும் 30ந் தேதி இங்கிலாந்து நாட்டில் தொடங்க உள்ளன. தற்போது இத்தொடரில் பங்கேற்கும் ஒல்வொரு அணிகளும் தீவிர பயிற்சி மற்றும் திட்டமிடுதல்களில் ஈடுபட்டு வருகின்றன.

உலக கோப்பைக்கான இந்திய அணி வருகிற மே 22ந் தேதி இங்கிலாந்து புறப்பட்டு சென்று 25ந் தேதி நியூஸ்லாந்து அணிக்கு எதிரான பயிற்சி ஆட்டத்தில் பங்கேற்கின்றனர்.

இந்நிலையில் எதிரணியின் மிடில் ஆர்டர் பேட்ஸ்மேன்களை விரைவில் அவுட் செய்தால் உலக கோப்பை இந்தியாவுக்கு தான் என தெரிவித்துள்ளார் இந்திய அணியின் முன்னாள் பேட்ஸ்மேன் ராகுல் டிராவிட்.

தற்போது இங்கிலாந்து மைதானங்கள் பேட்டிங்கிற்கு உதவுமாறு தயார் செய்யப்பட்டுள்ளன. இதனால் இந்த முறை உலக கோப்பை போட்டிகள் அனைத்தும் அதிக ரன் குவிக்கப்படும் போட்டிகளாக இருக்கும். இது போன்ற மைதானங்களில் பவுலர்களின் பங்கு மிகவும் முக்கியதுவம் வாய்ந்தது.

எதிரணியின் மிடில் ஆர்டர் பேட்ஸ்மேன்களின் விக்கெட்டுகளை சாய்த்தால் இந்திய அணி எளிதில் கோப்பையை கைப்பற்றும் . இதை செய்ய இந்திய அணியில் அனுபவம் வாய்ந்த வீரர்கள் உள்ளனர். பும்ரா, குல்தீப், சஹல் ஆகியோர் மிடில் ஓவரில் விக்கெட் வீழ்த்துவதில் வல்லவர்கள் என அவர் தெரிவித்துள்ளார்.

அணி மாறும் ராபி உத்தப்பா

கேரளா அணிக்கு தாவும் ராபின் உத்தப்பா
உள்ளூர் போட்டிகளில் கர்நாடகா அணிக்கு விளையாடிய ராபின் உத்தப்பா கருத்து வேறுபாடு காரணமாக சௌராஷ்டிரா அணிக்கு தாவினார் தற்போது அங்கிருந்து கேரளா அணிக்கு இடம் பெயர்ந்துள்ளார் இனி வரும் ரஞ்சி போட்டிகளில் கேரள அணிக்காக ராபின் உத்தப்பா விளையாடுவார் https://t.co/KzykucxZi3

இந்திய வீரர்களில் இர்பான் பதான் செய்த முதல் சாதனை!

இந்திய அணியின் அனுபவ ஆல் ரவுண்டர் இர்ஃபான் பதான். இவர் இந்திய கிரிக்கெட் அணியில் இடம் பெற்று பல வருடங்கள் ஆகிவிட்டது. கடைசியாக ஐபிஎல் 2017 சீசனில் சன் ரைசர்ஸ் ஹைதராபாத் அணிக்காக விளையாடினார். தற்போது கிரிக்கெட் வர்ணணையாளராக பணியாற்றி வருகிறார்.

இந்தியாவில் நடைபெறும் ஐபிஎல் டி20 லீக் தொடர் போன்று உலகின் மற்ற நாடுகளிலும் டி20 தொடர்கள் நடைபெற்று வருகின்றனர். இதில் கரீபியன் லீக், பிக் பேஷ் லீக், பாகிஸ்தான் பீரிமியர் லீக், ஆஃப்கானிஸ்தான் பிரீமியர் லீக், பங்களாதேஷ் பிரீமியர் லீக் போன்றவை குறிப்பிடத்தக்கவை.

மற்ற நாட்டு கிரிக்கெட் வீரர்கள் இந்தியாவின் ஐபிஎல் தொடரில் விளையாடினாலும், இந்திய வீரர்களை மற்ற நாடுகள் நடத்தும் டி20 லீக்கில் விளையாட அனுமதிப்பது இல்லை பிசிசிஐ. இதனால் இதுவரை எந்த இந்திய வீரரும் வெளிநாட்டு டி20 தொடரில் விளையாடியது இல்லை. ஏன் உலகின் தலை சிறந்த வீரர்களான தோனி விராட் கோலி கூட விளையாடியது இல்லை.

இந்நிலையில் இந்த ஆண்டு நடக்கப் போகும் கரீபியன் லீக் தொடர் ஏலத்தில் கலந்து கொள்ளும் வீரர்கள் பட்டியல் வெளியிடப்பட்டுள்ளது. இதில் இந்திய ஆல் ரவுண்டர் இர்ஃபான் பதான் பெயர் இடம் பெற்றுள்ளது.

கரீபியன் லீக் தொடர் ஏலத்தில் ஏதாவது ஒரு அணி இர்ஃபான் பதானை ஏலத்தில் எடுக்கும் பட்சத்தில் வெளிநாட்டு டி20 தொடரில் விளையாடும் முதல் வீரர் என்ற பெருமையை பெறுவார். கரீபியன் தொடரில் விளையாட இர்ஃபான் பதானுக்கு பிசிசிஐ தடையில்லா சான்றிதழை வழங்கியதா என்ற தகவல் வெளியாகவில்லை.