உலக கோப்பை இந்திய அணியின் இரண்டு எக்ஸ் ஃபேக்டர் வீரர்கள் இவர்கள் தான் மைக்கேல் ஹோல்டிங்

வருகிற மே 30ந் தேதி இங்கிலாந்து நாட்டில் தொடங்க உள்ளது 12வது 50 ஓவர் உலக கோப்பை போட்டிகள். இத்தொடரில் இரண்டு முறை உலக சாம்பியன் அணியான இந்தியா ஜுன் 5ந் தேதி தனது முதல் போட்டியில் தென் ஆப்ரிக்கா அணியுடன் மோதுகிறது.

இந்த முறை உலக கோப்பையை வெல்லும் என கருதப்படும் இரண்டு அணிகளுள் ஒரு அணியாக இந்தியா உள்ளது. இந்திய அணியில் பேட்டிங், பவுலிங், பீல்டிங் என மூன்றிலும் தலை சிறந்த வீரர்களை கொண்டுள்ளது.

கடந்த இரண்டு ஆண்டுகளில் இந்திய அணியின் பவுலிங் யூனிட் அகர வளர்ச்சி அடைந்துள்ளது. பும்ரா. சஹல், குல்தீப் ஆகியோர் பவுலிங்கில் அசத்தி வருகின்றன. அதே சமயம் பேட்டிங்கில் விராட் கோலி, ரோகித் சர்மா, தோனி ஆகியோர் சிறப்பாக செயல்பட்டு வருகின்றன.

இந்நிலையில் இந்திய அணியின் உலக கோப்பை வாய்ப்பு குறித்து வெஸ்ட் இண்டீஸ் லெஜன்ட் மைகேல் ஹோல்டிங் தெரிவித்திருப்பதாவது.,

இந்திலையில் இந்த முறை உலக கோப்பையை கைப்பற்ற இந்திய அணிக்கு முழு தகுதியும் உள்ளது. இந்திய அணியால் உலகின் எந்த மைதானத்திலும் சிறப்பான ஆட்டத்தை வெளிப்படுத்த முடியும். உலக கோப்பை இந்திய அணியில் விராட் கோலி மற்றும் ஜஸ்பிரித் பும்ரா ஆகியோர் எக்ஸ்-ஃபேக்டராக இருப்பார்கள். அவர்கள் சிறப்பாக விளையாடினாள் உலக கோப்பையை இந்தியா நிச்சயம் வெல்லும் என அவர் தெரிவித்துள்ளார்.

அடுத்த ஆண்டு வலிமையாக வருவோம் வாட்சன் அதிரடி பேட்டி

மே 12ந் தேதி நடைபெற்ற ஐபிஎல் இறுதி போட்டியில் மும்பை இந்தியன்ஸ் அணியிடம் 1 ரன் வித்தியாசத்தில் தோல்வியடைந்தது சென்னை சூப்பர் கிங்ஸ் அணி. இதனால் 4வது முறையாக கோப்பையை கைப்பற்றும் வாய்ப்பை நழுவ விட்டது சென்னை அணி.

இந்தாண்டு ஐ.பி.எல் தொடர் முழுவதும் சென்னை அணியில் மிடில் ஆர்டர் பேட்டிங் சொதப்பலாக அமைந்தது. ரெய்னா, ராயுடு, கேதர் ஜாதவ் போன்ற வீரர்கள் கடைசி வரை சிறப்பான ஆட்டத்தை வெளிப்படுத்தவில்லை.

சென்னை அணி புள்ளி பட்டியலில் டாப்பில் இருந்ததற்கு தோனியின் பேட்டிங்கும், தாஹிர், ஹர்பஜன், தீபக் சாஹர் போன்றோரின் சிறப்பான பந்து வீச்சும் தான் காரணம்.

வாட்சன் தொடக்கத்தில் சொதப்பலான பேட்டிங்கை வெளிப்படுத்தினாலும், நாக் அவுட் சுற்றின் போது சிறப்பாக செயல்பட்டார். குறிப்பாக இறுதி போட்டியில் காயத்தை பொருட்படுத்தாமல் ரத்தம் சொட்ட விளையாடினார். இருந்தாலும் ஐபிஎல் கோப்பையை கைப்பற்ற முடியவில்லை.

இந்தாண்டு சென்னை அணிக்கு நிறைகளை விட குறைகளே அதிகம் இருந்தது. பேட்டிங் பீல்டிங்கில் படு சொதப்பல்.

இந்நிலையில் சி.எஸ்.கே வீரர் வாட்சன் தனது டுவிட்டர் பக்கத்தில் தெரிவித்துள்ளதாவது., அடுத்த ஆண்டு சென்னை சூப்பர் கிங்ஸ் அணி வலிமையாக மீண்டும் வருவோம்.

இரண்டு வயது தமிழக சிறுமி உலக சாதனை பாராட்டி தள்ளும் பிரபலங்கள்

திருச்சியை சேர்ந்த 2 வயது சிறுமி ஆராதனா. சிறுமியின் பெற்றோர் சகாய விஜய் ஆனந்த்-ஜெயலட்சுமி ஆவர். சகாய விஜய் ஆனந்த் திருச்சி ரெயில் நிலையத்தில் டிக்கெட் பரிசோதகராக உள்ளார்.

இவர் விளையாட்டின் மீது மிகுந்த ஆர்வம் உள்ளவர். இவர் தனது குழந்தை ஆராதைாவுக்கு கடந்த மூன்று மாதங்களாக ராக்போர்ட் வில்வித்தை கழக பயிற்சியாளர் ராஜதுரை மூலம் வில்வித்தை பயிற்சி அளித்து வருகிறார்.

இந்நிலையில் நேற்று திருச்சி ரெயில்வே மண்டபத்தில் வில்வித்தை சாதனை படைக்கும் நிகழ்ச்சி நடைபெற்றது. இதில் பல பிரபலங்களும் கலந்து கொன்டனர்.

இப்போட்டியில் கலந்து கொண்ட 2 வயது சிறுமி ஆராதனா, 10 மீட்டர் தொலைவில் இருந்த இலக்கை நோக்கி தொடர்ந்து 1 மணி நேரம் இடைவெளியின்றி அம்புகளை எய்தார். 1 மணி நேரத்தில் 161 அம்புகளை எய்து 355 புள்ளிகளை பெற்றார். இது உலக சாதனை ஆகும். சாதனை செய்த சிறுமியை பலரும் பாராட்டி வருகின்றனர்.

எப்போதும் 2 வயது குழந்தைக்கு 3 மீட்டர் தான் இலக்கு நிர்ணயிக்கபடும். ஆனால் சிறுமி ஆராதனா 10 மீட்டர் இலக்கை எந்த வித சிரமம் இன்றி அம்புகளை எய்து ஆச்சர்யபடுத்தியுள்ளார்.

உலக கோப்பையில் இந்த இரு வீரர்களுக்கு பந்து வீசுவது மிக கடினம் புவனேஷ்வர் குமார் பேட்டி

தற்போதைய கிரிக்கெட் உலகில் தலைசிறந்த பந்து வீச்சாளர்களில் ஒருவராக இருப்பவர் புவனேஷ்வர் குமார். இவர் உலக கோப்பைக்கான இந்திய அணியில் இரண்டாவது முறையாக இடம் பிடித்துள்ளார். நடப்பு ஐபிஎல் தொடர் புவனேஷ்வர் குமாருக்கு சுமாராகவே அமைந்தது. தற்போது இங்லாந்தில் நடைபெற உள்ள உலக கோப்பை போட்டிகளுக்கு தயாராகி வருகிறார்.

கடந்த சில ஆண்டுகளாக இங்கிலாந்தில் உள்ள மைதாஙை்கள் அனைத்தும் தட்டையாக(பிளாட் பிட்ச்) பேட்ஸ்மேனுக்கு ஆதரவாக மாற்றப்பட்டுள்ளது. பிட்சில் இருந்து எந்த ஒரு உதவியும் பந்து வீச்சாளர்க்கு கிடைக்காது. இதனால் இங்கிலாந்து மைதாஙை்களில் பந்து வீசுவது என்பது மிகவும் சவாலான ஒன்று.

இந்நிலையில் இங்கிலாந்து மைதாங்களில் பந்து வீசுவது குறித்து புவனேஷ்வர் குமார் பேட்டி ஒன்றில் கூறியதாவது.,

எனக்கு இங்கிலாந்தில் பந்து வீசுவது மிகவும் பிடிக்கும். அங்கு பந்து ஸ்விங் ஆகும். அதுதான் என்பவம். ஆனால் தற்போது மைதானங்கள் தட்டையாக்கபட்டு விட்டன. பந்து வீசுவது கடினம் தான். இந்திய அணியில் உலக தரம் வாய்ந்த பவுலர்கள் உள்ளனர். எங்களால் போட்டியை தொடக்கம் முதல் முடிவு வரை கட்டுக்குள் வைத்திருக்க முடியும். அங்குள்ள சூழ்நிலையை பார்த்து திட்டங்கள் வகுக்கப்பட்டு செயல்படுத்தப்படும். கடந்த சில ஆண்டுகளாக இந்திய அணியின் பவுலிங் மேம்பட்டு உள்ளது. இந்திய அணியின் பவுலர்கள் எந்த வகை மைதானத்திலும் சிறப்பாக செயல்பட முடியும். என்னை பொறுத்த வரை உலக கோப்பை போட்டிகளில் டேவிட் வார்னர் மற்றும் ஆன்ரே ரஸல் என்ற இரு வீரர்களுக்கு பந்து வீசுவது மிக கடினம். அவர்கள் தற்போது நல்ல ஃபார்மில் உள்ளனர் என தெரிவித்துள்ளார்.

லேட்டா வந்தா தோனி தரும் தண்டனை இதுதான்

இந்திய கிரிக்கெட் அணியின் முன்னாள் மன நல பயிற்சியாளர் பேடி அப்டன். இவர் தற்போது ராஜஸ்தான் ராயல்ஸ் அணியின் தலைமை பயிற்சியாளராக உள்ளார்.

இவர் சமீபத்தில் எழுதி வெளியிட்ட “தி பேர்ஃபுட் கோச்” என்ற புத்தகத்தில், இந்திய அணியின் முன்னாள் வீரர் கவுதம் கம்பீர் எப்போதும் பாதுகாப்பற்ற மனநிலையை கொண்டிருந்தார் என குறிப்பிட்டு இருந்தார். இது பெரும் சர்ச்சை ஏற்படுத்தி இருந்தது.

தற்போது தோனி அணி நேர்காணல் மற்றும் பியிற்சிக்கு தாமதமாக வந்தால் என்ன தண்டனை தருவார் என கூறியுள்ளார் பேடி அப்டன்.

தோனி எந்த சூழ்நிலையிலும் அமைதியாகவும், நிலையாக இருக்கும் தன்மை உடையவர். இது தான் தோனியிடம் இருக்கும் தனித்தன்மை. தோனியை பார்த்து மற்ற அணி வீரர்களும் இதை கற்று கொள்கின்றனர்.

நான் இந்திய அணியில் மன நல பயிற்சியாளராக சேர்ந்த போது அணில் கும்ளே டெஸ்ட் அணி கேப்டன் மற்றும் தோனி ஒரு நாள் அணி கேப்டனாக இருந்தார்.

அப்போது டெஸ்ட் அணி கேப்டனாக இருந்த கும்ளே பயிற்சி மற்றும் அணி நேர்காணலுக்கு தாமதமாக வரும் வீரர்களுக்கு மட்டும் தண்டனையாக ரூ.10000 அபராதம் விதித்தார்.

இந்த யோசனையை ஒருநாள் அணியிலும் அமல்படுத்தினால் நன்றாக இருக்கும் என தோனியிடம் கூறினேன். தோனி இதனை சிறு மாற்றத்துடன் அமல்படுத்தினார். தோனி பயிற்சி மற்றும் அணி நேர்காணலுக்கு யாராவது ஒரு வீரர் தாமதமாக வந்தால், அணியில் இருக்கும் அனைவருக்கும் ரூ.10000 அபராதம் என அறிவித்தார். இப்படி செய்தால் தான் யாரும் தாமதமாக வர மாட்டார்கள் என கூறினார்.

ஐபிஎல்லில் மேட்ச் ஃபிக்சிங் நடப்பது உண்மை தான் ரங்கராஜ் பாண்டே வெளியிட்ட அதிரடி வீடியோ

2019ம் ஆண்டுக்கான ஐபிஎல் இறுதி போட்டி மே 12ந் தேதி நடந்து முடிந்தது. இப்போட்டியில் சென்னை சூப்பர் கிங்ஸ் அணியை வீழ்த்தி 4வது முறையாக மும்பை இந்தியன்ஸ் அணி கோப்பையை கைப்பற்றியது.

இப்போட்டியில் மும்பை அணி வெற்றி பெற்றதும் மேட்ச் ஃபிக்சிங் நடந்திருக்கிறது என ரசிகர்கள் கூற தொடங்கினர். தோனிக்கு நடுவர் ரன் அவுட் வழங்கியது, ஷேன் வாட்சன் தேவையில்லாமல் ரன் ஓடி ரன் அவுட் ஆனது, ஹர்பஜன் சிங் பதில் ஷ்ரதுல் தாகூர் களம் இறக்கப்பட்டது போன்ற நிகழ்வுகள் சந்தேகத்தை வலுப்படுத்துவதாகவும் கூறினர்.

Rangaraj pandey

இந்நிலையில் பிரபல செய்தியாளரும் மற்றும் செய்தி தொகுப்பாளருமான ரங்கராஜ் பாண்டே ஐபிஎல் என்பது மேட்ச் பிக்சிங் தான் எனக் கூறி வீடியோ ஒன்றை வெளியிட்டுள்ளார். அதில் அவர் கூறியதாவது.,

இந்தியாவில் நடக்கும் ஐபிஎல் போட்டிகள் அனைத்தும் மேட்ச் ஃபிக்சிங் தான். போட்டியில் யார் வெற்றி பெற வேண்டும், எப்படி வெற்றி பெற வேண்டும், முதல் பந்தில் இருந்து 20வது ஓவரின் கடைசி பந்து வரை தெளிவான திரைக்கதை அமைத்து நடத்தப்படுகிறது. ஒரு போட்டி 20 ஓவர் வரை நடந்தால் மட்டுமே தான் அந்த போட்டிக்கான வர்த்தகம் பாதிக்கப்படாது.

இறுதி போட்டியில் மும்பை டெல்லி அணிகள் மோதினால் யானையுடன் எலி மோதியது போல் இருக்கும். இப்போட்டியை பார்க்க மக்கள் அதிகம் விரும்ப மாட்டார்கள். பார்வையாளர்கள் குறைவாக தான் இப்போட்டிக்கு இருக்கும். இதனால் இப்போட்டிக்கான வர்த்தகம் தானாக பாதிக்கப்படும். அதுவே சென்னை மும்பை அணிகள் மோதினாள் அதிக வர்த்தகம் மற்றும் அதிக லாபம் கிடைக்கும்.

இங்கு மேட்ச் ஃபிக்சிங் சில வீரர்களிடம் மட்டுமே சொல்லப்படுகிறது. சிலருக்கு உத்தரவு மட்டுமே பிறபிக்கப்டுகிறது. பணம் சிலருக்கு நேரடியாகவும், சதவீதமாகவும், பங்காகவும் தரப்படுகிறது. இங்கு மேட்ச் ஃபிக்சிங் குறியீடுகள் மூலம் நடக்கிறது. போட்டிகள் உண்மையாகவே நடப்பது போல் கட்டமைக்கபடுகிறது. அதுதான் ஐபிஎல் ஸ்பெஷல் எனக் கூறியுள்ளார்.

தோனி தந்த டிப்ஸ் பலமுறை தவறாக முடிந்துள்ளது குல்தீப் யாதவ் பரபரப்பு பேட்டி

தோனி தரும் டிப்ஸ் பல முறை தவறாக முடிந்துள்ளது என இந்திய அணியின் சுழற் பந்து வீச்சாளர் குல்தீப் யாதவ் கூறியுள்ளார்.

தற்போதைய கிரிக்கெட்டர்களில் அதிகம் கிரிக்கெட் ப்ரைன் உடையவர் தோனி. குல்தீப் யாதவ் பந்து வீசும் போது பல முறை விக்கெட் எடுக்க டிப்ஸ் கொடுத்துள்ளார் தோனி . அதன் மூலம் விக்கெட்டும் எடுத்துள்ளார் குல்தீப்.

இந்நிலையில், 2018ம் ஆண்டு சிறப்பாக விளையாடிய கிரிக்கெட்டர்களுக்கு நேற்று சியாட் விருது வழங்கும் விழா நடைபெற்றது. இவ்விழாவில் சிறந்த செயல் திறன் வீரருக்கான விருது குல்தீப் யாதவ்விற்கு வழங்கப்பட்டது. இவ்விருதை பெற்ற பின் தோனி குறித்து குல்தீப் யாதவ் கூறியதாவது.,

போட்டியின் போது தோனி தரும் பல டிப்ஸ் தவறாக முடிந்துள்ளது. ஆனால் அதை பற்றி தோனியிடம் கூற முடியாது. தோனி எப்போதும் ஓவர் முடிந்த பின் தான் பவுலர்களை சந்தித்து பேசுவார். நடுவில் பேச மாட்டார். எப்போதாவது தேவைப்பட்டால் மட்டுமே ஓவரின் நடுவில் தன் கருத்தை கூறுவார் என குல்தீப் தெரிவித்துள்ளார்.

CSKவில் களையெடுப்பு அவசியம் பிளெமிங் அதிரடி பேட்டி

ஐ.பி.எல் 2019ன் இறுதி போட்டியில் மும்பை இந்தியன்ஸ் அணியிடம் ஒரு ரன் வித்தியாசத்தில் தோல்வி அடைந்தது சென்னை சூப்பர் கிங்ஸ் அணி. இதனால் நான்காவது முறையாக ஐ.பி.எல் கோப்பையை கைப்பற்றியது மும்பை இந்தியன்ஸ் அணி.

சி.எஸ்.கே என்றாலே வயதானவர்கள் அணி. அணியில் இருக்கும் அநேக வீரர்களுக்கும் ஏறக்குறைய 35 வயது இருக்கும். இதனால் சி.எஸ.கே அணியை ஃபாதர்ஸ் ஆர்மி, ஓல்டு டீம் என சமூக வலைதளங்களில் கூறி வருகின்றனர் கிரிக்கெட் ரசிகர்கள்.

இதனால் பீல்டிங்கில் மோசமாக செயல்பட்டனர் சென்னை அணியினர். ரெய்னா, வாட்சன் போன்ற வீரர்களும் பல கேட்சுகளை கோட்டைவிட்டனர். பிற வீரர்களும் தங்கள் பங்கிற்கு பல கேட்சுகளை கோட்டைவிட்டுள்ளனர்.

இந்தாண்டு சென்னை அணியில் பேட்டிங்கில் சிறப்பாக விளையாடிய வீரர் தோனி மட்டும் தான். ரெய்னா, வாட்சன், டுபிளசிஸ், ராயுடு போன்ற அனுபவ வீரர் ஏதாவது ஒரு ஆட்டத்தில் மட்டுமே ஜொலித்தனர்.

இந்நிலையில் சி.எஸ்.கே அணியின் பயிற்சியாளர் ஸ்டீபன் பிளெமிங் கூறியிருப்பதாவது., எங்கள் அணி மிகவும் வயதானவர்கள் அணி என்பதை புரிந்து கொண்டோம். வீரர்கள் தங்களை நிலை படுத்தி கொள்ள அவகாசம் அளித்துள்ளோம். சி.எஸ்.கே அணியில் களையெடுப்பு தேவைப்படுகிறது.

தோனி உலக கோப்பை சென்று வந்தவுடன் அடுத்த வருட தொடருக்கான புதிய சி.எஸ்.கே அணி கட்டமைக்கும் பணி தொடங்கி விடும். இந்த அணியில் அதிகம் இளம் வீரர்களுக்கு வாய்ப்பு அளிக்கப்படும். அதிகம் வயதான வீரர்கள் இருக்க மாட்டார்கள். சரியான கலவையில் புதிய அணி உருவாக்கப்படும் என தெரிவித்தார்.

மிகவும் மனம் உடைந்து காணப்பட்டார் தோனி இதுவரை அப்படி பார்த்ததில்லை

இதுவரை மும்பை அணியிடம் பெற்ற தோல்லிகளுக்கு பதிலடி தரும் விதமாக, நேற்று நடைபெற்ற இறுதி போட்டியில் மும்பையை வீழ்த்தி சென்னை அணி நான்காவது முறையாக கோப்பையை வெல்லும் என ரசிகர்கள் எதிர்பார்த்தனர்.

ஆனால் கடைசி ஓவரில் 9 ரன்களை அடிக்க முடியாமல் மும்பை அணியிடம் தோல்வியடைந்தது சென்னை அணி. ஐ.பி.எல் கோப்பையை 4வது முறையாக கைப்பற்றியது மும்பை இந்தியன்ஸ் அணி.

நேற்றைய போட்டியில் தோனி எதிர்பாராத விதமாக ரன் அவுட் ஆனார். இதனால் தோனியால் கடைசி வரை நின்று ஆடி அணியை வெற்றி பெற செய்ய முடியவில்லை. இதனால் போட்டி முடிந்த பின்னும், பேட்டியளித்த போதும் மிகவும் சோகமாக தெரிந்தார் தோனி. சி.எஸ்.கே அணி தோல்வியால் தோனியின் மனைவியும் கண்கலங்கினார்.

இந்நிலையில் கிரிக்கெட் வர்ணனையாளர் சஞ்சய் மஞ்ரேக்கர் தனது டுவிட்டர் பதிவில் கூறியிருப்பதாவது., போட்டி முடிந்த பின் தோனியிடம் பேசினேன். தோனி மிகவும் மனமுடைந்து காணப்பட்டார். இதற்கு முன் தோனியை பார்த்தது இல்லை. இதனை பார்த்த என் இதயம் தோனியிடம் சென்றது.

தோனிக்கு ரன் அவுட் கொடுத்த மூனாவது அம்பயருக்கு சாபமிட்ட 7 வயது சிறுவன்

நேற்று நடைபெற்ற ஐ.பி.எல் 12வது சீசனின் இறுதி ஆட்டத்தில் சென்னை சூப்பர் கிங்ஸ் அணியை 1 ரன் வித்தியாசத்தில் வீழ்த்தி த்ரில் வெற்றி பெற்றது மும்பை இந்தியன்ஸ் அணி. இதன் மூலம் 4வது முறையாக ஐ.பி.எல் கோப்பையை கைப்பற்றியது மும்பை அணி.

நேற்றைய போட்டியில் தோனி இஷான் கிஷனால் ரன் அவுட் செய்யப்பட்டார். இதனை ரீப்ளேவில் பார்த்த மூன்றாவது நடுவர் தோனி அவுட் என தீர்ப்பு கொடுத்தார்.

மூன்றாவது நடுவரின் தீர்ப்பை பார்த்த சென்னை ரசிகர்கள் அதிருப்தி அடைந்தனர். மேலும் தோனி நாட் அவுட் என்றும், நடுவரின் தீர்ப்பு தவறானது என்றும் சென்னை அணி ரசிகர்கள் சமூக வலைதளங்களில் தங்களது கருத்தை பதிவு செய்து வருகின்றனர்.

இந்நிலையில் தோனி அவுட் குறித்து 7 வயது சிறுவன் அழுது கொண்டே பேசும் வீடியோ சமூக வலைதளங்களில் பரவி வருகிறது. 

இந்த வீடியோவில், அச்சிறுவன் தோனி அவுட்டே இல்லை என்றும் சும்மானா அவுட்டுன்னு கொடுக்கறான். மூனாவது அம்பயர் தூக்கு மாட்டி செத்துடுவான் என்றும் அழுது கொண்டே கூறும் போது அச்சிறுவன் தாய் சமாதானப்படுத்துகிறார். 

தோனி அவுட்டா நாட் அவுட்டா அனில் கும்ளே சொன்ன பளிச் பதில்

2019ம் ஆண்டின் ஐ.பி.எல் இறுதி போட்டி நேற்று ஹைதராபாத் ராஜிவ் காந்தி மைதானத்தில் நடைபெற்றது. இப்போட்டியில் சென்னை சூப்பர் கிங்ஸ் அணியை 1 ரன் வித்தியாசத்தில் வீழ்த்தி ஐ.பி.எல் கோப்பையை தட்டி சென்றது மும்பை இந்தியன்ஸ் அணி.

இப்போட்டியில் தோனிக்கு கொடுக்கப்பட்ட ரன் அவுட் தான் மும்பை அணி வெற்றி பெற பெரிய திருப்பு முனையாக அமைந்தது.

இப்போட்டியில் முதலில் பேட் செய்த மும்பை அணி 149/8 ரன்களை எடுத்தது. இதனையடுத்து களமிறங்கிய சென்னை அணி 73 ரன்களுக்கு 3 முக்கிய விக்கெட்டுகளை இழந்தது. 4வது விக்கெட்டுக்கு தோனி களம் இறங்கினார்.

ஹர்திக் பாண்டியா வீசிய 12வது ஓவரின் 4வது பந்தில் தட்டி விட்டு சிங்கிள் எடுத்தார் வாட்சன். இந்த பந்தை பிடித்து மலிங்கா ரன் அவுட் செய்ய ஸ்டம்பை நோக்கி எறிய ஓவர் த்ரோவானது. இதனால் இரண்டாவது ரன் ஓடிய தோனி இஷான் கிஷனால் ரன் அவுட் செய்யப்பட்டார்.

இந்த ரன் அவுட் கள நடுவரால் மூன்றாவது நடுவரிடம் பரிசீலனைக்கு அனுப்பபட்டது. ரீப்ளேவில் தோனியின் பேட் க்ரீஸை தொடும் போது பந்து ஸ்டம்ப்பில் சரியாக அடித்தது. எத்தனை கேமரா கோணங்களில் பார்த்தாலும் தோனியின் ரன் அவுட் அவுட்டா? நாட் அவுட்டா? என தெரியவில்லை. சில நிமிடங்களுக்கு பின் மூன்றாவது நடுவர் தோனி ரன் அவுட் என தனது முடிவை அறிவித்தார். இது சென்னை ரசிகர்களுக்கு அதிருப்தியை தந்தது.

இப்போட்டி முடிந்த பின் டக் அவுட் நிகழ்ச்சியில் பேசிய அனில் கும்ளே கூறியதாவது., தோனிக்கு அவுட் கொடுத்தது நியாயமற்றது. இது போன்ற தருணங்களில் பேட்ஸ் மேன் அவுட் என்பதற்கு சரியா ஆதாரம் இல்லாத போது அல்லது அதிக குழப்பம் இருக்கும் போது பேட்ஸ் மேனுக்கு ஆதரவாக தான் நடுவர் தீர்ப்பு தர வேண்டும். தோனிக்கு நாட் அவுட் தான் நடுவர் தத்திருக்க வேண்டும். அவுட் கொடுத்து துர்திருஷ்டவசமானது என அனில் கும்ளே தெரிவித்தார்.

கோப்பையை விட்டாலும் பிரமாண்ட சாதனையை செய்த தோனி உற்சாகத்தில் ரசிகர்கள்

நேற்று இரவு நடைபெற்ற பரபரப்பான இறுதி போட்டியில் சென்னை சூப்பர் கிங்ஸ் அணியை 1 ரன் வித்தியாசத்தில் வீழ்த்தி 4வது முறையாக ஐ.பி.எல் கோப்பையை கைப்பற்றியது மும்பை இந்தியன்ஸ் அணி.

இப்போட்டியில் முதலில் பேட் செய்த மும்பை அணி 8 விக்கெட் இழப்பிற்கு 149 ரன்களை சேர்த்தது. இதனையடுத்து களம் இறங்கிய சென்னை அணி சீரான இடைவெளியில் தொடர்ச்சியாக விக்கெட்டுகளை இழந்தது. வாட்சன் மட்டும் கடைசி வரை போராடினார். அவர் 59 பந்தில் 80 ரன்கள் குவிந்தனர். சென்னை அணியால் 20 ஓவர் முடிவில் 148/7 ரன்கள் மட்டுமே எடுத்தது. இதனால் 1 வித்தியாசத்தில் தோல்வியடைந்தது.

இப்போட்டியில் சென்னை சூப்பர் கிங்ஸ் கோப்பையை கைப்பற்ற முடியாமல் போனாலும், தினேஷ் கார்த்தியின் சாதனையை முறியடித்து புதிய சாதனை செய்துள்ளார் எம்.எஸ் தோனி.

நேற்றைய போட்டியில் ரோகித் சர்மா 15 ரன்கள் எடுத்திருந்த போது தீபக் சாஹர் பந்து வீச்சில் தோனியிடம் கேட்ச் கொடுத்து அவுட்டானார். இதன் மூலம் விக்கெட் கீப்பராக 132 விக்கெட்டுகளை வீழ்த்தி உள்ளார்.

இதற்கு முன் தினேஷ் கார்த்திக் 182 போட்டிகளில் 131 விக்கெட்டுகளை வீழ்த்தி இருந்தார். தற்போது அதை தோனி முறியடித்துள்ளார். தோனி 190 போட்டிகளில் 132 விக்கெட்டுகளை வீழ்த்தி சாதனை படைத்துள்ளார்.

கோப்பையை வெல்ல போவது இந்த அணி தான் திட்டவட்டமாக கூறிய ஹெய்டன்

இன்று இரவு நடைபெற உள்ள ஐபிஎல் இறுதி போட்டியில் மூன்று முறை கோப்பையை வென்ற சென்னை சூப்பர் கிங்ஸ் மற்றும் மும்பை இந்தியன்ஸ் அணிகள் மோதுகின்றனர். இப்போட்டியை வென்று எந்த அணி நான்காவது முறையாக கோப்பையை வெல்ல போகிறது என்ற எதிர்பார்ப்பு எகிறி உள்ளது.

இந்நிலையில் ஐ.பி.எல் கோப்பையை இன்று யார் வெல்வார்கள் என்று கூறியுள்ளார் சென்னை சூப்பர் கிங்ஸ் அணியின் முன்னாள் வீரர் மேத்யூ ஹெய்டன். அவர் கூறியதாவது.,

இரு அணிகளும் இறுதி போட்டியில் விளையாட முழு தகுதி உடையவர்கள். ஆனால் இந்தாண்டு இரு அணிகளும் தங்களது சிறப்பான ஆட்டத்தை இதுவரை வெளிப்படுத்தவில்லை.

இன்றைய போட்டியை சென்னை சூப்பர் கிங்ஸ் அணிதான் வெற்றி பெறும். இதற்கு முன் நடந்த போட்டிகளில் சென்னை தோற்று இருக்கலாம். புள்ளி விவரங்களும் சாதகமாக இல்லாமல் இருக்கலாம். ஆனால் சென்ை சூப்பர் கிங்ஸ் அணி சிறப்பாக விளையாடி கோப்பையை வெல்லும்.

கடந்த சில போட்டிகளாக சூர்ய குமார் யாதவ் மற்றும் ரோகித் சர்மா சிறப்பாக ஆடி லருகின்றன இன்றைய போட்டியில் இவர்கள் சென்னை அணிக்கு அச்சுறுத்தலாக இருப்பார்கள் எதிர் பார்க்கலாம் என அவர் தெரிவித்துள்ளார்

இறுதி போட்டியில் யுவராஜ் சிங் வெளியானது முக்கிய வீடியோ ஆதாரம்

இன்று இரவு நடைபெற உள்ள ஐ.பி.எல் 12 சீசனின் இறுதி போட்டியில் சென்னை சூப்பர் கிங்ஸ் அணியை எதிர் கொள்கிறது மும்பை இந்தியன்ஸ் அணி. இப்போட்டிக்காக இரு அணி வீரர்களும் நேற்றே ஹைதராபாத் சென்றடைந்தனர்.

மும்பை அணியின் அதிரடி ஆல் ரவுண்டர் யுவராஜ் சிங் முதல் 4 போட்டிகளில் மட்டுமே விளையாடினார். அதன் பின் அவருக்கு பதில் இஷன் கிஷன் அணியில் சேர்க்கப்பட்டார்.

தொடர்ந்து போட்டிகளில் விளையாடாமல் இருந்த யுவராஜ் சிங் கடந்த ஆறு ஏழு போட்டிகளாக வலை பயிற்சியில் பங்கேற்காமல் இருந்தார்.

இந்நிலையில் இன்று நடக்கும் இறுதி போட்டியை முன்னிட்டு யுவராஜ் சிங் ஹைதராபாத் மைதானத்தில் தீவிர வலை பயிற்சி மேற்கொண்டார். இந்த வீடியோ தற்போது வெளியாகி உள்ளது.

இதனால் இன்றைய இறுதி போட்டியில் யுவராஜ் சிங்கை ரோகித் சர்மா மீண்டும் அணியில் சேர்ப்பார் எதிர் பார்க்கப்படுகிறது.

ஐபிஎல் இறுதி போட்டியில் அதிரடியாக சதம் விளாசிய வீரர்கள்

இன்று நடைபெற உள்ள ஐ.பி.எல் இறுதி போட்டியில் சென்னை சூப்பர் கிங்ஸ் மற்றும் மும்பை இந்தியன்ஸ் அணிகள் பலப்பரிட்சை நடத்துகின்றனர்.

இரு அணிகளும் இதுவரை தலா மூன்று முறை கோப்பையை கைப்பற்றி உள்ள நிலையில், நான்காவது முறையாக கோப்பையை வெல்லப் போவது யார் என்ற எதிர்பார்ப்பு எகிறி உள்ளது.

இந்நிலையில் இதுவரை நடந்து ஐ.பி.எல் இறுதி போட்டிகளில் சதம் அடித்த வீரர்கள் பெயர்கள் கீழே தரப்பட்டுள்ளது.

Shane watson

ஷேன் வாட்சன்: கடந்த 2018ம் ஆண்டு நடந்த ஐ.பி.எல் இறுதி போட்டியில் சன்ரைசர்ஸ் ஹைதராபாத் அணியை வீழ்த்தி 3வது முறையாக கோப்பையை கைப்பற்றியது சென்னை சூப்பர் கிங்ஸ் அணி. இப்போட்டியில் சென்னை அணி வீரர் ஷேன் வாட்சன் 57 பந்துகளில் 117 ரன்களை குவித்தார். இதில் 11 பவுண்டரி மற்றும் 8 சிக்சர் அடங்கும்.

W.saha

விருத்திமான் சாஹா: கடந்த 2014ம் ஆண்டு நடைபெற்ற ஐ.பி.எல் இறுதி போட்டியில் கொல்கத்தா நைட் ரைடர்ஸ் அணியிடம் வீழ்ந்தது சிங்ஸ் லெவன் பஞ்சாப் அணி. இப்போட்டியில் பஞ்சாப் அணி தோற்றாலும், அந்த அணி வீரர் விருத்திமான் சாஹா அற்புதமாக பேட் செய்து 55 பந்தில் 115 ரன்களை குவித்தார். இதில் 10 பவுண்டரி 8 சிக்சர்கள் அடங்கும்.