மதம் மாறிய டி.ஆர் மகன் அதிர்ச்சியில் திரை உலகம்

தான் இயக்கும் படங்களில் அடுக்கு மொழி வசனங்களாலும், தங்கை சென்டிமென்டாலும் தமிழ் சினிமாவில் தனக்கென ஒரு இடத்தை பிடித்தவர் இயக்குனரும் நடிகருமான டி.ராஜேந்தர். இவரது இரண்டாவது மகன் குறளரசன்.

இவர் தனது அண்ணன் சிம்புவின் வாலு படத்தின் மூலம் இசை அமைப்பாளராக தமிழ் சினிமாவில் அறிமுகம் ஆனார். ஆனால் இவரால் தனது அப்பா, அண்ணன் போல் தமிழ் சினிமாவில் தனக்கென ஒரு இடம் பிடிக்க முடியாமல் திணறி வருகிறார்.

இந்நிலையில் குறளரசன் தன் அப்பா டி.ராஜேந்தர் மற்றும் அம்மா உஷா இஸ்லாம் மதகுருமார்கள் முன்னிலையில் இஸ்லாம் மதத்தை தழுவினார். இந்த வீடியோ தற்போது சமூக வலைதளங்களில் பரவி வருகிறது.

இது குறித்து பேசிய டி.ராஜேந்தர், நான் எம்மதமும் சம்மதம் என்ற கொள்கையை உடையவன். அதனால் குறளரசன் எண்ணத்திற்கு மதிப்பு அளித்து இதற்கு சம்மதித்தேன் என்றார்.